A solis ortus cardine et usque terrae limitem Christum canamus principem natum Maria virginis |
Beatus auctor sæculi servile corpus induit ut carne carnem liberans ne perderet quos condidit
| Caste parentis viscera celestis intrat gratia venter puelle baiulat secreta que non noverat
| Domus pudici pectoris templum repente fit dei intacta nesciens virum verbo concepit filium
| Enixa est puerpera quem Gabriel predixerat quem matris alvo gestiens clausus Ioannes senserat
| Feno iacere pertulit presepe non abhorruit parvoque lacte pastus est per quem nec ales esurit
| Gaudet chorus celestium et angeli canunt deo palamque fit pastoribus pastor, creator omnium
| Summo parenti gloria nato que laus que maxima cum sancto sit spiramine nunc et per omne seculum.
